ЗАВХАН АЙМГИЙН ЦЭЦЭН-УУЛ СУМЫН ИРГЭДИЙН ТӨЛӨӨЛӨГЧДИЙН ХУРЛЫН ХУРАЛДААНЫ ТОГТООЛ
2022.03.16 Дугаар 05 Тэгш
Төсөл сонгон шалгаруулах хороог байгуулах тухай
Монгол Улсын засаг захиргаа, нутаг дэвсгэрийн нэгж, түүний удирдлагын тухай хуулийн 35 дугаар зүйлийн 35.1.17 дахь заалт, 48 дугаар зүйлийн 48.1 дэх хэсэг, Хүнс, хөдөө аж ахуй, хөнгөн үйлдвэрийн сайдын 2021 оны 12 дугаар сарын 13-ны өдрийн А/361 дүгээр тушаалын хавсралтаар батлагдсан “Хоршоог хөгжүүлэх сангаас хөнгөлөлттэй зээл олгох, сонгон шалгаруулах, эргэн төлүүлэх, хяналт тавих журам”-ын 3 дугаар зүйлийн 3.3.2 дахь заалт, 4 дүгээр зүйлийг тус тус үндэслэн сумын иргэдийн Төлөөлөгчдийн Хурлаас ТОГТООХ НЬ:
- Хоршоо хөгжүүлэх сангийн төсөл сонгон шалгаруулах хороог доорх бүрэлдэхүүнтэйгээр байгуулсугай.
Дарга: Д.Рэнчинсамбуу /ЗДТГ-ын дарга/
Гишүүд: Р.Ганчимэг /Санхүү албаны дарга/
Д.Үгдэлмаа /Хаан банкны эдийн засагч/
Д.Чимэдцогзол /Төрийн банкны нягтлан/
Нарийн бичгийн дарга: Б.Адъяа /Хоршооны асуудал хариуцсан мэргэжилтэн/
- Хоршоо хөгжүүлэх сангийн журмыг баримтлан төслийг сонгон шалгаруулахыг хороонд үүрэг болгосугай.
- Энэ тогтоолын хэрэгжилтэнд хяналт тавьж ажиллахыг Хоршоо хөгжүүлэх сангийн хөрөнгийн зарцуулалт, зээлийн ашиглалт, эргэн төлөлтөд хяналт тавих орон тооны бус зөвлөлд даалгасугай.
- Энэ тогтоол гарсантай холбогдуулан сумын Иргэдийн Төлөөлөгчдийн Хурлын Тэргүүлэгчдийн 2020 оны 09 дүгээр сарын 13-ны өдрийн 13 тоот тогтоолыг хүчингүйд тооцсугай.
ДАРГА В.СУМЪЯА